𝗚𝗜𝗟𝗔𝗦 𝗣𝗜𝗟𝗜𝗣𝗜𝗡𝗔𝗦 𝗠𝗔𝗜𝗡𝗜𝗧𝗢𝗡 𝗡𝗚𝗔 𝗚𝗜-𝗔𝗕𝗜𝗔𝗕𝗜 𝗦𝗔 𝗠𝗚𝗔 𝗣𝗜𝗡𝗢𝗬 𝗦𝗔 𝗦𝗔𝗨𝗗𝗜 𝗔𝗥𝗔𝗕𝗜𝗔

Gipasigarbo karon sa Gilas Pilipinas ang hugot nga suporta sa mga Pinoy sa Jeddah, Saudi Arabia.

Ang Gilas Pilipinas anaa sa Saudi Arabia alang sa 2025 FIBA Asia Cup.

Matod ni Gilas Pilipinas head coach Tim Cone nga wa silay gibati nga naa sila sa teritoryo sa kaatbang tungod kay sa matag praktis nila, makita nila ang suporta sa mga Pinoy.

Halos tanang magduduwa sa Gilas nailhan sa mga Pinoy nga naa sa Saudi Arabia.

Dugang pa niya nga gibati nila ang mainit nga pag-abiabi sa mga Pilipino.

Sukad sa ilang pag-abot niadtong Huwebes, nagpahigayon dayon sila og praktis.

Ang Gilas adunay duha ka daog sa ilang mahigalaong mga duwa, ang kataposan niini ilang gipildi ang Jordan 75-61.

Ang Gilas Pilipinas unang makigsangka sa Chinese Taipei karong Miyerkules sa alas 2 sa kadlawon.

Source: Jovino Galang

photo credits:smartgilasbasketball.com