Nagduso ang administrasyon ni Presidente Ferdinand R. Marcos Jr., sa plano nga makab-ot ang 100 porsyento nga elektripikasyon sa panimalay, nga nagtumong sa paghatag og elektrisidad sa 2.6 milyones ka mga panimalay sa lagyong mga dapit.
Sa usa ka post-State of the Nation Address (SONA) nga diskusyon bahin sa imprastraktura ug seguridad sa enerhiya niadtong Miyerkules, si Department of Energy (DOE) Secretary Sharon Garin miingon nga ang electrification strategy naglangkob sa tulo ka nag-unang pamaagi: micro-grids, solarized homes, ug streamlined grid connections.
Matod ni Garin nga ang electrification niabot na sa 95 percent coverage, diin ang DOE ug National Electrification Administration (NEA) nagtrabaho aron makompleto ang katapusang singko porsyento.
Dugang niini nga ang micro-grid systems magsilbi nga stand-alone power solutions nga naghiusa sa solar panels, batteries, ug backup diesel generators, direktang nagkonektar sa mga balay sa lagyong mga sitio. Ang DOE sa pagkakaron nangitag mga pribadong tigpamuhunan aron sa pagtukod ug pagpadagan niini nga mga sistema.
Ang mga sistema sa solar nga balay ipagawas usab sa tagsa-tagsa nga mga panimalay, kompleto sa mga solar panel, mga wiring, pagtipig sa baterya, bombilya, ug usa ka radyo nga maka-charge sa mga mobile phone.
Ang ikatulo nga track nagtumong sa pagpayano sa proseso alang sa mga balay duol sa kasamtangan nga mga linya sa kuryente nga nagpabilin nga wala konektado tungod sa taas nga bayad sa aplikasyon ug mga kinahanglanon sa pagtugot. Matod ni Garin nga ang DOE ug ang NEA nagtrabaho aron maminusan o ma-waive ang maong mga bayronon aron mapadali ang koneksyon.
Gipasiugda usab ni Garin ang pagsaka sa pamumuhunan sa administrasyon sa NEA gikan sa PhP1 bilyon ngadto sa PhP2 bilyon ngadto sa PhP5 bilyon, nga gitawag kini nga “historical” kon itandi sa alokasyon sa nangaging mga administrasyon.
Source: PND
Photo:journalnews.com.ph
