Gipagawas na sa Samahang Basketbol ng Pilipinas (SBP) ang katapusang 12 ka sakop sa Gilas nga mosangka sa FIBA Asia Cup sugod karong Agosto 5 sa Jeddah, Saudi Arabia.
Gipangulohan kini nila Justin Brownlee, AJ Edu, Kevin Quiambao, Jamie Malonzo, June Mar Fajardo, Scottie Thompson, Dwight Ramos, Japeth Aguilar, Calvin Oftana, Chris Newsome, CJ Perez ug Carl Tamayo.
Ang pagpili ni Gilas coach Tim Cone walay kalainan sa iyang gipapili sa Asia Cup Qualifiers final window niadtong Pebrero.
Giangkon ni Cone nga nagduha-duha si Oftana nga moduwa apan gihatagan siya og go-signal sa iyang medical team.
Moduwa sab si Fajardo bisan pa man og adunay injury sa iyang guya. Wa maapil sa listahan sila si RJ Abarrientos, Troy Rosario, Rhez Abando ug Zavier Lucero.
Ang Gilas unang makigsangka sa Chinese Taipei karong Agosto 6 sa alas 2 sa hapon. gisundan sa Australia sa Agosto 7 ug Iraq sa Agosto 9.
Source: Jovino Galang
