Nabalaka ang Department of Foreign Affairs sa nagkadaghang mga Filipino nga gikataho nga biktima sa human trafficking nga natanggong sa mga scam center sa tibuok Southeast Asia.
Matod sa ahensiya nga makaalarma ang maong mga taho apan bisan pa niini wala gitumbok sa ahensya kung pila ang ilang nadawat nga taho.
Agig tubag, ang ahensya miingon nga nakig-alayon na sila sa ilang mga silingang nasud sama sa Mainland Southeast Asia nga naglakip sa (Thailand, Myanmar, Lao PDR ug Cambodia).
Misaad usab kini nga tabangan ang mga Pilipino nga naa sa kalisud samtang nakig-alayon sa ubang mga nasud aron makigtambayayong sa Pilipinas.
Gipasiugda sa DFA nga nagpabiling pasalig kini sa pagluwas ug pagpauli sa tanang Pilipino nga biktima sa Human Trafficking.
Nanawagan usab kini sa tanang Pilipino ug komunidad sa gawas sa nasod nga suportahan ang mga paningkamot sa gobyerno sa Pilipinas nga mapugngan ang tanang matang sa illegal recruitment ug pagpahimulos.
