Gikatakdang ang Department of Agriculture (DA) mopaubos pa sa maximum suggested retail price (MSRP) sa imported premium rice sa mga merkado sa Hulyo 16, 2025.
Ang presyo sa premium rice sa mga merkado ipaubos sa P45/kilo ngadto sa P43/kilo. Matod ni Agriculture Secretary Francisco Tiu Laurel Jr., ang MSRP reduction kay para lang sa 5% broken rice nga sagad paliton sa mga konsumidor.
Kahinumduman nga daan nang giplanohan ang adjustment nga ipatuman sa pagsugod pa lang sa Hulyo apan tungod sa pagsaka sa presyo sa krudo gumikan sa tensiyon sa Middle East, wala kini mapatuman sa pagkakaron.
Sumala sa departamento, karon nga ang tensyon tali sa Iran ug Israel nag-anam na ug og kalinaw, mahimo na nila ipatuman ang plano sa mga interbensyon sa presyo.
Tumong sa pagpatuman niini nga suportahan ang pagpalapad sa inisyatiba sa administrasyon nga gipangulohan ni Presidente Ferdinand Marcos Jr. aron mas barato ang bugas ug uban pang batakang palaliton.
Samtang, gitapos na usab sa departamento ang pagpatuman sa MSRP sa mga produkto sa baboy sa Agosto ug sa mga produkto sa manok sa Septiyembre.
Kini nga mga inisyatibo sa DA nagtumong sa pag-moderate sa mga presyo sa retail tungod sa ubos nga suplay sa karne sa domestic tungod sa daghang mga sakit sa mga mananap.
