Gikompirmar karon ni Bise Presidente Sara Duterte nga dili pa siya makabalik sa nasud, atol sa ipahigayong State of the Nation Address (SONA) ni Presidente Ferdinand Marcos Jr. Human sa SONA karong umaabot nga Hulyo 28,2025, ang mga magbabalaod sa 20th Congress miingon nga sugdan na nila ang impeachment trial.
Matod sa Bise Presidente, adunay mga pagpangandam nga gihimo karon sa iyang mga abogado. Dugang niini nga nangandam na kini sa pagtubag sa mga panutana,panahon nga makauli na siya dinhi sa nasud.
Giinsister usab sa Bise Presidente nga adunay gihimo nga ilegal nga pagkolekta sa impormasyon bahin sa iyang mga rekord sa bangko nga andam niyang tubagon sa tukmang panahon.
