Ubay-ubay nga brand sa ham ug queso de bola ang nipaubos sa ilang presyo karong tuiga, base sa Noche Buena Price Guide sa Department of Trade and Industry (DTI).
Base sa nakuhang price list, ang CDO American Ham (500g) adunay presyo nga ₱170, samtang ang Purefoods Brick Ham (500g) nagkantidad og ₱175. Ang Virginia Pear Shaped Ham (500g) nagrange gikan ₱199 hangtod ₱204 depende sa lugar, samtang ang Virginia Brick Ham (500g) nagkantidad og ₱219 hangtod ₱224. Ang King Sue Pear Shaped Ham (700g) anaa sa ₱237, ug ang CDO Pear Shaped Ham (800g) nagkantidad og ₱244.
Ang Purefoods Pear Shaped Chicken Ham (800g) ug ang Purefoods Pear Shaped Ham (800g) pareho nga gibasehan sa ₱250.
Samtang ang Virginia Chicken Pear Shaped Ham (800g) mas mahal gamay sa ₱359, ug ang presyo niini sa Palawan muabot pa sa ₱367. Sa high-end nga klase, ang King Sue Sweet Ham ug Piña Ham (Whole Meat, 800g) nagkantidad og ₱449 ug ₱520.
Ang CDO Jamon de Bola (850g) gi-presyo sa ₱325, samtang ang Swift Noche Buena Ham (1kg) anaa sa ₱339. Ang King Sue ug Virginia Pear Shaped Ham (1kg) nagrange gikan ₱345 hangtod ₱368.
Sa 256 ka mga produkto nga nalista, 129 ang nagpabilin nga parehas nga presyo gikan sa miaging tuig, samtang 95 ang nitaas gamay tungod sa mas taas nga sangkap, packaging, ug gasto sa pagtrabaho.
Gipahinumdoman sa DTI ang mga konsumidor nga batasanon ang pagsusi sa presyo sa mga produkto sa dili pa mopalit ug pagsusi usab sa ilang mga label.
Photo courtesy: Serious Eats
