Padayon nga gipakusog sa 1st Sarangani Provincial Mobile Force Company o 1st SPMFC ang ilang operasyon batok sa mga indibidwal nga adunay mga pending warrant of arrest. Ubos sa pagpangulo ni PLTCOL Darwin V. Castillo, Force Commander, gipunting sa kapulisan ang pagpangita ug pagdakop sa mga wanted person isip kabahin sa ilang kampanya sa pagpatuman sa balaod ug pagmintinar sa kalinaw ug kahusay.
Lakip sa ilang pamaagi ang padayon nga manhunt operations ug pagpalig-on sa police visibility aron mapugngan ang kriminalidad ug masiguro ang kaluwasan sa katawhan.
Gipasalig sa 1st SPMFC nga magpadayon ang ilang hugot nga pagpatuman sa balaod aron mapalambo ang malinawon ug luwas nga komunidad sa tibuok probinsya sa Sarangani.
Photo courtesy:1st SPMFC FB page
