Nadakpan sa kapulisan ang usa ka wanted person sa kaso sa physical injuries atol sa operasyon sa Barangay Pananag, Maasim, Sarangani Province, alas 3:40 sa hapon niadtong nakalabay nga adlaw.
Giila ang dinakpan sa alyas nga “Hunyo,” nga giatubang ang warrant of arrest tungod sa paglapas sa Article 266 sa Revised Penal Code kalabot sa physical injuries.
Gipahigayon ang operasyon sa Maasim Municipal Police Station, kauban ang 1204th Mobile Company sa Regional Mobile Force Battalion 12. Human sa pagdakop, gipahibalo sa mga otoridad ang suspek sa iyang mga katungod subay sa balaod ug gidala sa kustodiya sa Maasim MPS alang sa hustong disposisyon, samtang gihulat ang gikinahanglang medical examination.
Gipasalig ni PRO-12 Regional Director PBGEN Alan B. Manibog nga magpadayon ang kapulisan sa pagpatuman sa mga warrant of arrest nga giisyu sa korte, subay sa balaod ug sa pagtahod sa katungod sa matag indibidwal.
Photo courtesy: PRO 12
