Gisusi ang mga proseso ug serbisyo sa Lokal nga Pangagamhanan sa New Bataan, Davao de Oro, atol sa Ease of Doing Business (EODB) Evaluation niadtong Oktubre 27, 2026,
Katuyuan aron matino ang mga aspeto nga angay pa mapalambo sa paghatag og serbisyo publiko. Gipangulohan ni Atty. Camille E. Flores, LGCDD Chief ug Team Leader, ang evaluation team, kauban sila Krisca Lynge C. Donayre, Provincial EODB Focal; LGOO VI Jade C. Baylon, Assistant Division Chief sa LGCDD; ug LGOO V Reniel Joy B. Royo, Regional EODB Focal.
Nagpasalamat ang LGU New Bataan pinaagi sa pagpanguna ni Mayora Atty Bianca Cualling Brua sa team sa pagpahigayon sa maong evaluation ug gipasiugda ang padayong paningkamot sa lokal nga panggamhanan sa pagpauswag sa mga pamaagi sa pagproseso ug paghatag og serbisyo, uban ang tumong nga mahimong mas hapsay, paspas ug episyente ang serbisyo alang sa mga residente.
