Gikasubo karon sa usa ka babaye ang pagkamatay sa iyang napulo ka iro human nga gituohang gihiloan sa wala mailhing tawo didto sa Tagbobolo, Barangay Sainz, Mati City, Davao Oriental niadtong nakalabay nga adlaw.
Sumala sa pahayag sa tag-iya, dili nagapanghilabot ug tawo o nagapangawat ang iyang mga iro ug nagabantay lamang kini sa ilang lugar. Gani wala na siya katarung ug tulog gumikan sa pag-atiman sa iyang mga binuhi nga naapektuhan, diin nakita na nga nagkurog-kurog ug nagkalisod.
Gituohan usab niya nga adunay tawo nga posibleng naghatag og pagkaon nga makahilo sa iyang mga iro. Sa pagkakaron giimbestigahan na sa mga kawani sa Barangay Sainz ang maong insidente aron maihan ang responsable ug unsay motibo niini.
Photo courtesy: Mee Kai
