Gipahigayon kagahapon sa buntag, Oktubre 27, ang Indigenous Peoples Day Celebration isip kabahin sa Sambuokan Para sa Tanan 2026, sa MFGR Park and Baywalk sa dakbayan sa Mati.
Gisubay ang maong selebrasyon sa temang “Empowering Indigenous Peoples: Strengthening Rights, Culture and Ancestral Domains,” nga naghatag og dakong pagtagad sa pagpalig-on sa mga katungod, kultura, ug yutang kabilin sa mga lumad.
Ang maong kalihokan adunay gilangkuban sa Food Exhibit, Larong Lahi, ug Awarding Ceremony, diin gipakita ang kadato sa kultura, tradisyon, ug mga kahanas nga dugay nang gipadayon sa mga katutubong komunidad.
Pinaagi sa maong selebrasyon, gipasiugda ang dakong papel sa mga kaigsuonang Mandaya sa pag-umol sa identidad sa dakbayan ug sa tibuok komunidad.
Photo courtesy: Vice Gov
