Gibutang sa usa ka selopin ang usa ka bag-ong himugso nga bata ang nakita sa mga otoridad sa Phase 2, Elenita Heights, Uraya, Brgy. Catalunan Grande, Davao City, pasado alas 9:00 kagabii, Oktubre 27, 2026.
Dali nga miresponde ang mga personahe sa Barangay Mintal Disaster Risk Reduction and Management Committee aron luwason ang maong masuso. Pag-abot sa lugar, gilayong gihatagan og inisyal nga medical assistance ug gisuta ang kahimtang sa maong batang babaye.
Human niini, dali kining gidala sa Southern Philippines Medical Center kun SPMC alang sa medical evaluation ug husto nga pag-atiman. Sa pagkakaron padayon ang imbestigasyon sa mga otoridad aron mailhan ang mga ginikan sa bata ug ang responsable sa pagbilin niini.
Photo courtesy: Barangay Mintal Disaster Risk Reduction and Management Committee
