Napahigayon ang kalihokan alang sa mga lokal nga mag-uuma isip kabahin sa pagselebrar sa Farmers’ Month sa lungsod sa Municipal Gym sa Nabunturan, Davao de Oro, Oktubre 27 hangtod 28, 2026.
Gitambongan kini nila Mayor Myrocel Balili, Municipal Agriculturist Margarito Libres, mga opisyal sa Municipal Agriculture and Fisheries Council (MAFC), Barangay Agriculture and Fisheries Council (BAFC), mga kooperatiba ug mga mag-uuma.
Sumala kang Libres, usa sa mga gihisgutan ang ordinansa nga nagdeklarar sa matag Oktubre isip Farmers’ Month sa Nabunturan, nga nagtumong sa paghatag og pasidungog ug pag-ila sa dakong papel sa mga mag-uuma sa sektor sa agrikultura.
Lakip usab sa kalihokan ang pagrehistro sa mga partisipante, pag-apil sa nagkalain-laing programa ug pagpasundayag sa lokal nga mga produkto sa mga mag-uuma.
