Gipasiugdahan sa South Cotabato Police Provincial Office o SCPPO ang Annual Operation Plans and Budget o AOPB alang sa tuig 2028 niadtong Oktubre 26 hangtod 27, 2026, nga gipahigayon sa ikatulong andana sa ACE Convention Hall, ACE Center Point Mall, Gensan Drive, Koronadal City, South Cotabato.
Gipangunahan ang SCPPO ni PCOL Samuel T. Cadungon, kinsa nagpahayag sa iyang suporta sa maong kalihokan nga nagtutok sa pagplano sa mga operasyon ug pag-andam sa badyet sa kapulisan.
Tumong sa kalihokan nga masiguro ang husto nga pagplano, pagbahinbahin sa mga kahinguhaan ug paggahin sa badyet aron mapahiuyon ang mga programa ug prayoridad sa kapulisan sa mga tumong sa Philippine National Police o PNP.
Pinaagi niini, gipalig-on sa SCPPO ang ilang pasalig sa responsable nga pagdumala sa pondo ug mga kahinguhaan, ingon man sa pagpauswag sa ilang mga pamaagi sa pagpatuman sa mga programa.
Gilauman nga ang maong pagpangandam makatabang sa paghatag og mas episyente ug responsive nga serbisyo sa kapulisan ngadto sa katawhan, subay sa ilang katungdanan sa pagmintinar sa kalinaw ug kahapsay sa komunidad.
Photo courtesy: SCPPO
