Makadawat og ₱97.91 million nga puhunan ang Daraghuyan Indigenous Community sa Bukidnon aron mapalig-on ang ilang industriya sa arabica coffee nga nailhan tungod sa dekalidad ug award-winning nga mga produkto.
Ang maong pondo kabahin sa World Bank-funded Mindanao Inclusive Agriculture Development Project o MIADP sa Department of Agriculture. Matud ni MIADP Project Director Macario Gonzaga, gamiton ang puhunan alang sa agricultural infrastructure, irigasyon, pagpalambo sa negosyo ug pasilidad sa pagproseso sa kape.
Tumong usab sa proyekto nga mapadali ang pagdala sa mga produkto ngadto sa merkado ug mapataas ang produksiyon sa mga mag-uuma. Gilauman nga pinaagi niini, mas molig-on ang panginabuhian sa mga lumad ug ang industriya sa kape sa Bukidnon.
Photo courtesy: Progress watch
