Gi-turnover na sa publiko sa Department of Agrarian Reform (DAR) ang ₱27.5 milyones nga proyekto sa pagpatukod sa canal lining ug main canal Phase 1 sa Barangay Salunayan–Agriculture Portion, Midsayap, Cotabato niadtong nakalabay nga adlaw.
Gilaoman nga mas mapaayo niini ang agos ug suplay sa tubig paingon sa mga uma, nga makatabang sa mga mag-uuma sa pagpananom ug pagdugang sa ilang ani.
Kabahin sa turnover, gipanghatagan usab og maintenance kits ang Salunayan Irrigators Association ug Agriculture Irrigators Association aron makatabang sa pag-atiman sa pasilidad.
Matod sa lokal nga pangagamhanan ug DAR, ang proyekto usa ka lakang sa pagpalig-on sa sektor sa agrikultura ug pagpaayo sa panginabuhian sa mga mag-uuma sa Midsayap.
Photo courtesy: Midsayap Info
