Nakatala og 3.9 porsyentong pagtubo ang sektor sa agrikultura, pagdumala sa kalasangan ug pangisda sa maong probinsya gikan sa 2024 hangtod 2025, sumala sa pinakabag-o nga datos gikan sa Philippine Statistics Authority (PSA).
Kini ang ikaduhang kinatas-ang pagtubo sa tibuok Davao Region, sunod sa Davao Occidental nga nagtala og 4.0 porsyento. Gisundan kini sa Davao Oriental nga adunay 3.0 porsyento.
Sa ubang mga lugar: Davao del Sur: 1.8% nga pagtubo; Davao de Oro: -0.5% (miubos);Davao City: -0.9% (miubos). Sa kinatibuk-an, ang tibuok rehiyon nakatala og 1.9 porsyentong pagtubo sa maong sektor.
Gipakita pa sa datos nga ang Davao del Norte mao ang pinakadakong nag-amot sa pagtubo sa rehiyon, nga mikabat sa 1.4 ka porsyentong punto. Kini nagpamatuod sa mahinungdanong papel sa probinsya sa pagpalambo sa produksyon sa pagkaon, kalasangan ug pangisda sa tibuok rehiyon.
Photo courtesy:East Asia Forum
