Duha ka mga indibidwal ang nadakpan sa hiniusang operasyon batok sa ilegal nga droga mga alas 9:45 sa gabii niadtong Oktubre 14, 2026, sa Purok 1, Barangay San Pedro, Dumingag.
Gikasa ang operasyon sa Dumingag Municipal Police Station, kauban ang ubang operating units nga miresulta sa pagdakop sa 31 ug 35 anyos nga mga suspetsado nga susamang mga residente sa Dumingag, Zamboanga del Sur,
Nakumpiska gikan sa operasyon ang walo ka gagmayng sachet nga adunay gidudahang shabu, buy-bust money, duha ka buhing bala sa kalibre 12 nga armas, usa ka Yamaha XTZ nga motorsiklo, ug nagkalainlaing personal nga butang gikan sa maong mga indibidwal.
Human sa operasyon, gidala ang duha ka suspetsado ug ang mga nakumpiskang ebidensiya sa Dumingag Municipal Police Station alang sa hustong disposisyon.
Samtang,ang gidudahang ilegal nga droga ipasumite sa Provincial Forensic Unit sa Camp Abelon, Pagadian City, alang sa forensic examination.
Photo courtesy: PIO ZSPPO
