Kapin na sa 8,000 ka mga aplikante sa Expanded Career Progression (ECP) ang naproseso na sa Department of Education (DEPED) Region 9 sa tibuok Zamboanga Peninsula Region sa tuig 2026.
Matud ni DEPED 9 Regional Director Ronelo Al K. Firmo, musubra sa 15,000 ka mga aplikasyon ang nadawat sa ilang buhatan apan 8,000 lang ilang naproseso gumikan nakadepende kini sa nakataganang pondo nga na-isyuhan na usab ug NOSCA.
Segun ni RD Firmo, kadaghanan sa mga naaprubahan na sa DBM napagawsan na ug appointments diin anaa na lang usab sa kapin 6,000 ang nahibiling application nga wala pa naproseso sa pagkakaron.
Pinaagi sa Expanded Career Progression, gilauman nga mas mapalapdan ang propesyonal nga kalamboan sa mga magtutudlo, lakip na ang paghatag og mas klarong agianan alang sa ilang promosyon sa serbisyo.
Samtang, padayon ang pagproseso sa mga aplikasyon subay sa mga polisiya ug sumbanan sa DepEd aron masiguro nga ang mga kwalipikadong magtutudlo makabenepisyo sa maong programa.
