Napuhag ang kapin 1,007 ka loose firearms ang nakumpiska ug 167 ka indibidwal ang gidakop. Sa report sa Police Regional Office 13 o PRO13 gipahugtan ang kampanya batok sa mga armas as nga walay hustong dokumento gikan Enero hangtod Oktubre 14, 2026.
Sumala sa datos nga gipagawas sa PRO13, nakahimo ang kapulisan og 852 ka operasyon nga miresulta sa pagdakop sa 167 ka indibidwal. Sa kinatibuk-ang 1,007 ka armas, 123 niini ang nakumpiska, upat ang narekober, samtang 880 ka armas ang boluntaryong gitugyan sa nagkalainlaing police units.
Nunot kini sa kampanya Accounting and Disposition of Firearms with Expired Registration o ADFER, diin 186 ang gipagawas sa mga tag-iya sa armas nga expired na ang rehistrasyon pinaagi sa Oplan Katok. Tungod niini, 64 ka armas ang gitugyan sa kapulisan alang sa temporaryong pagtipig.
Matud ni PBGen Rolindo M. Suguilon, direktor sa PRO13, gitumong ang kampanya nga mapugngan ang paggamit sa mga loose firearms sa bisan unsang kriminal nga kalihokan.
Gidasig usab ang publiko nga sundon ang balaod sa pagpanag-iya ug pagparehistro sa armas aron malikayan ang pag-abuso niini ug mapadayon ang kalinaw sa rehiyon.
