Tuman ang mga pilas nga naangkon sang isa ka 35 anyos nga trabahador matapos naglupok ang oxygen tank nga iya ginarefill sa Purok 8, Barangay Poblacion, Tacurong City, Sultan Kudarat, sang Oktubre 14, 2026.
Suno sa inisyal nga imbestigasyon sang pulis, ang biktima nga residente sang Barangay Kenram, Isulan, ang nagarefill sang oxygen tank sa sulod sang balay sang hinali ini nga naglupok, nga nagresulta sa pagkadula sang iya tuo nga tiil.
Gilayon nga gindala ang biktima sa Tacurong Doctors Hospital para sa medikal nga pagbulong. Suno kay PLtCol Nestor M. Maderse, Chief of Police sang Tacurong City Police Station, isa ka pribado nga panimalay sang pamilya Pacaña kun sa diin wala ini naga-operate bilang isa ka negosyo apang pagagamiton suno pa sa isa ka sports activity ang nasambit nga pagrefill sang tangke.
Padayon pa ang imbestigasyon sang mga otoridad, samtang ginapanawagan sang Police Regional Office 12 ang publiko nga maghalong gid sa pagdumala sang mga tangke nga may presyon agud malikawan ang kaangay nga mga aksidente.
Photo courtesy: PNP Police Regional Office
