Hugot nga subayon ug monitoron sa PLENRO Misamis Oriental, uban sa mga hingtungdan nga ahensya, ang operasyon sa small-scale mining sa chromite sa Awang, Opol ug Upper Malubog, Manticao, Misamis Oriental sulod sa duha ka tuig nga kontrata.
Matud ni MISOR PLENRO Head Geran Flores, prayoridad sa maong kontrata ang mga miyembro sa IP community ug hugot nga gidili ang paggamit og heavy equipment nga mahimong makadaot sa kinaiyahan.
Giklaro ni Flores nga gitugotan lamang sa kontrata ang pagkuha ug pagproseso sa chromite, apan bawal ang pag-opaw sa kabukiran. Giawhag sa PLENRO ang mga minero sa maong mga lugar nga hugot nga mosunod sa mga kondisyon sa ilang kontrata ug sa mga lagda sa pagmina aron mapanalipdan ang kinaiyahan.
Photo courtesy: Misamis Oriental Provincial Information Office
