Nadakpan ang usa ka 29-anyos nga sikad driver atol sa buy-bust operation sa Barangay Cugman, Cagayan de Oro City, diin nasakmit ang gituohang shabu ug marijuana nga mokabat sa ₱27,320 ang kinatibuk-ang kantidad.
Ang suspek giila sa alyas “Roel,” nadakpan sa mga operatiba sa COCPO Police Station 10, in coordination sa City Mobile Force Company o CMFC ug PDEA-10.
Nakuha gikan sa suspek ang gibanabanang upat ka gramo sa gituohang shabu nga nagkantidad og ₱27,200, ug usa ka gramo sa gituohang marijuana nga nagkantidad og ₱120, lakip ang uban pang mga butang nga may kalabotan sa operasyon.
Anaa na karon sa kustodiya sa Police Station 10 ang suspek, samtang giandam ang tukmang kaso batok kaniya.
