Gisugdan na sa pagpahigayun ang unang Regional Coffee Expo 2026 nga magpadayon hangtod Oktubre 3 sa Café Noventa, Nabunturan, Davao de Oro karong Oktubre 1, 2026.
Opisyal nga gisugdan ang programa pasado alas 9:00 sa buntag pinaagi sa ribbon-cutting ceremony ug culture dance presentation
Nagdala sa tema nga “Brewing a Golden Future from Farm to Community,” nagtutok ang kalihokan sa pagpalig-on sa industriya sa kape, gikan sa mga mag-uuma hangtod sa mga komunidad nga nalambigit sa coffee industry.
Nakatambong sa kalihokan si Davao de Oro Governor Engr. Raul G. Mabanglo, kauban ang mga representante gikan sa Department of Agriculture o DA, Department of Trade and Industry o DTI, Provincial Agriculture Office o PAGRO, Davao Coffee Council o DCC, ug uban pang mga ahensya ug stakeholder sa Davao Region.
Hisayran nga ang Regional Coffee Expo 2026 mao ang unang higayon nga gipahigayon sa probinsya ang maong kalihokan nga nagtigom sa mga coffee farmers, stakeholders, lokal nga panggobyerno ug mga partner aron hisgutan ug mapalambo ang mga oportunidad alang sa industriya sa kape sa Davao de Oro.
Pinaagi sa expo, gilauman nga mas mapalig-on ang pagtinabangay tali sa mga stakeholder ug mapalapad ang merkado alang sa lokal nga kape.
Gipasiugda usab sa kalihokan ang importansya sa industriya sa kape isip usa sa mga tinubdan sa kita ug oportunidad alang sa mga mag-uuma sa Davao de Oro.
