Pormal nang giablihan sa Securities and Exchange Commission o SEC Tacloban ang ilang bag-ong extension office aron mas mapaduol sa publiko ang mga serbisyo sa ahensya didto sa Barangay 82, Marasbaras, Tacloban City niadtong nakalabay nga adlaw.
Mitambong sa maong kalihokan si Hon. Randy Esperas isip representante ni City Mayor Alfred Romualdez. Lakip usab sa mga mitambong sila Regional Director Dr. Maximo Aljibe sa Commission on Higher Education Regional Office VIII o CHEDRO VIII, DSWD Field Office VIII Regional Director Dr. Grace Subong, PCCI Tacloban Vice President for External Affairs Atty. Kenneth B. Fabila, Tacloban Public Employment Service Office Manager Atty. Julie Sevilla, ug mga representante sa Department of Economy, Planning, and Development ug Commission on Audit.
Subay sa ahensya sa SEC, ang bag-ong extension office gitumong aron mas mapaduol na sa mga korporasyon, organisasyon ug uban pang stakeholders sa Tacloban City ug mga kasikbit nga lugar ang mga serbisyo sa SEC. Gilauman usab nga mas mapadali ang pag-access sa mga transaksyon ug uban pang serbisyo nga may kalabotan sa ahensya.
Photo Courtesy:Tacloban City Information Office
