Gibalhin sa Nobyembre 2028 ang Barangay ug Sangguniang Kabataan o SK Elections nga gikatakda unta ipahigayon karong 2026.
Sumala kang Election Officer III Ruben Pleños Jr sa Comelec Nabunturan, Davao de Oro, ang pag-postpone sa eleksyon resulta sa bag-ong balaod nga nagtakda og lima ka tuig nga termino alang sa mga barangay officials ug mga miyembro sa Sangguniang Kabataan.
Tungod niini, dili na madayon ang gikatakdang Barangay ug SK Elections sa Nobyembre 2, 2026, ug magpadayon sa ilang katungdanan ang kasamtangang mga opisyal, subay sa mga probisyon sa balaod.
Gilauman nga ipahigayon ang sunod nga Barangay ug SK Elections sa Nobyembre 2028, sumala sa bag-ong iskedyul nga gitakda sa balaod.
