Nakigkoordinar ang 4Ps Davao de Oro Provincial Operations Office o POO sa nagkadaiyang ahensya sa probinsya isip pagpangandam sa umaabot nga IP Month Celebration.
Pinaagi sa Provincial Technical Officers, gihimo ang agency visit ngadto sa Provincial IPMR Office, National Commission on Indigenous Peoples o NCIP, Provincial Bahay Katutubo ug Provincial Tourism Office.
Gipunting sa miting ang pagplastar sa mga preparasyon alang sa IP Month Celebration ug paghisgot sa posibleng dugang nga pakigtambayayong aron masuportahan ug mapalig-on ang kahimtang sa mga Indigenous Peoples o IP families nga benepisyaryo sa 4Ps.
Pinaagi niini, gipalig-on sa 4Ps Davao de Oro ang koordinasyon tali sa mga ahensya aron masiguro nga ang mga programa alang sa mga IP community motubag sa ilang panginahanglan ug respetado ang ilang kultura ug tradisyon.
Gilauman usab nga pinaagi sa mas lig-on nga partnership, mas maapil ug mapalig-on ang partisipasyon sa mga IP families sa mga programa nga gitumong alang sa ilang kaayuhan ug kalamboan.
