Gilusad sa Sta. Cruz Municipal Police Station ang joint buy-bust operation nga miresulta sa pagkasikop sa 18-anyos nga si alyas “Dodong” sa Purok Perlas, Barangay Bato, Sta. Cruz, Davao del Sur, alas 10:12 sa gabii niadtong nakalabay nga adlkaw.
Narekober sa operasyon ang gibanabanang 3 gramos nga gituohang shabu nga nagkantidad og ₱20,400, ug 5 gramos nga gituohang pinauga nga dahon sa marijuana nga nagkantidad og ₱600.
Gipangulohan sa Municipal Drug Enforcement Unit sa Sta. Cruz Municipal Police Station ang operasyon uban sa nagkalain-laing law-enforcement units.
Gipabilin karon sa kustodiya sa Sta. Cruz MPS ang suspetsado samtang giandam ang kasong may kalabotan sa paglapas sa Republic Act 9165 o Comprehensive Dangerous Drugs Act of 2002.
