Nadakpan sa kapulisan ang usa ka giingong street-level drug personality human sa gihimong buy-bust operation sa mga personahe sa Cagwait Municipal Police Station (MPS) sa Purok Bagras, Barangay Tubo-tubo, lungsod sa Cagwait, Surigao del Sur, pasado alas 10:58 sa gabii, Septiyembre 27, 2026.
Ang operasyon gihimo subay sa TIP ug gipangulohan ubos sa pagdumala ni PCPT Chenise Llyod Sugian, Assistant Chief of Police (ACOP), uban sa mga personahe sa Cagwait MPS.
Ang nadakpang suspek giila lamang sa alyas nga “Taba,” 25 anyos, lalaki, ulitawo, ug residente sa Purok Mondalo, Barangay Cagwait, sa maong lungsod.
Narekober sa operasyon ang tulo ka heat-sealed transparent plastic sachet nga adunay gituohang shabu, lakip na ang usa ka sachet nga gigamit isip buy-bust item.
Nakuha usab gikan sa suspek ang usa ka ginunting nga papel, usa ka tinuod nga P500 nga kuwarta nga gigamit isip buy-bust money, ug usa ka blue nga lighter.
Gipahibalo usab ang suspek sa iyang mga katungod ubos sa Konstitusyon ug sa Anti-Torture Act sa wala pa siya gidala sa Cagwait MPS alang sa hustong dokumentasyon ug sunod nga legal nga proseso.
Photo courtesy: Cagwait MPS
