Nakatakdang ipahigayon sa Overseas Workers Welfare Administration (OWWA) Region IX ang Serbisyo Caravan 2026 dinhi sa dakbayan Dipolog karung umaabot Oktubre 2, 2026, nga magdala og mas duol nga serbisyo alang sa mga Overseas Filipino Workers o OFWs ug ilang mga pamilya.
Kabahin sa mga serbisyo nga ihatag ang OFW eCard Issuance, OWWA Membership Services, ug lain-laing OWWA Programs and Services nga mahimong ma-avail sa mga OFWs atol sa maong kalihukan.
Giawhag ang mga OFWs sa dakbayan ug mga kasikbit nga lugar nga magparehistro daan aron makapahimulos sa mga serbisyo nga gitanyag sa Serbisyo Caravan. Aduna usab libre nga paniudto alang sa mga partisipante.
Ang kalihukan kabahin sa DMW-led Serbisyo Caravan nga nagtumong sa paghatag og mas accessible ug mas duol nga serbisyo alang sa mga OFWs.
Alang sa registration, mahimong magparehistro pinaagi sa mosunod nga link: https://forms.gle/8KjEV6UtBeckHYvp7
𝐏𝐡𝐨𝐭𝐨 𝐂𝐨𝐮𝐫𝐭𝐞𝐬𝐲: 𝐎𝐖𝐖𝐀 𝐑𝐞𝐠𝐢𝐨𝐧𝐚𝐥 𝐖𝐞𝐥𝐟𝐚𝐫𝐞 𝐎𝐟𝐟𝐢𝐜𝐞 𝐈𝐗
