Gisusi ni PBGen Rudecindo L. Reales, Regional Director sa Police Regional Office-Negros Island Region o PRO-NIR, ang mga pasilidad sa Bacolod City aron masiguro ang kapasidad sa pagserbisyo sa komunidad panahon sa emerhensya ug uban pang kritikal nga sitwasyon.
Giubanan si PBGen Reales ni PCOL Eugene N. Rebadomia, City Director sa Bacolod City Police Office o BCPO, atol sa site inspection sa Evacuation Center ug Temporary Treatment and Monitoring Facility o TTMF sa Purok Arao, Abada-Eskay/Arao Relocation Site, Barangay Vista Alegre, Bacolod City.
Gisusi usab sa mga opisyal ang usa ka school building sa National Housing Authority o NHA sa Barangay Felisa, Bacolod City.
Tumong sa inspeksyon nga masuta ang kahimtang sa mga pasilidad ug masiguro nga andam kini gamiton sa komunidad, ilabina panahon sa mga emerhensya ug uban pang kritikal nga kahimtang.
Matud sa PRO-NIR, magpadayon ang ilang paningkamot sa pagpalig-on sa kaluwasan sa publiko, pagpauswag sa kahandaan sa komunidad, ug pagsiguro sa proteksyon ug kaayohan sa mga residente sa Negros Island Region.
