Gipahigayon sa LGU-TAGUM subay sa pagsaulog sa World Rabies Day karong tuiga, and libreng Veterinary Services, kagahapon sa buntag, Setyembre 28, 2026 sa Energy Park, Apokon ning dakbayan.
Pinaagi sa City Veterinary Office gihatagan og higayon ang mga Tagumenyong furparents nga mapalambo and kahimsog ug kaayohan sa ilang furbabies. Lakip sa mga serbisyo nga gitanyag mao ang Anti-Rabies Vaccination, Pet Deworming, Pet Consultation, Basic Pet Grooming ug Massive Kapon.
Padayon usab nga gipakusgan ning syudad ang paningkamot nga makahatag og maayong serbisyo alang sa hustong pag-atiman sa mga binuhi ug pagpanalipod usab sa kaluwasan sa tibuok komunidad.
Pahinumdum sa LGU-Tagum, nga kanunay’ng ibutang sa panumduman nga ang paglikay sa rabies magsugod sa hustong pag-atiman, regular nga pagbakuna, ug responsableng pagpanag-iya sa mga binuhi.
Photo Courtesy: City Government of Tagum
