Damyos ang atubangan sa Forward Self-Loader, human kini aksidenteng misimang sa dalan dihang nawad-an sa control ang driver nga gituhoang nawad-an sa preno, sa hilit nga bukirang bahin sa may Purok 2, Barangay Danao, Dakbayan sa Surigao.
Sumala sa pakighinabi kang Mark Flores, caretaker, gikan sa bukirang bahin ang nasangpit nga sakyanan dihang nawad-an og control ang driver sa maong sakyanan hinungdan nga midaosdos kini paingon sa bakilid hangtod nga nadisgrasya.
Miambak ang drayber niini rason nga nakaangkon kini ug samad sa nagkadaiyang parte sa kalawasan.
Daling miresponde ang ambulansiya ug gidala ang drayber sa tambalanan alang midekal nga atensyon.
