Gisaulog ang 34th National Family Week ug “Kainang Pamilya Mahalaga” Day aron mahatagan og panahon ang mga empleyado nga makauban ug makahatag og importansya sa ilang pamilya.
Matud ni Jonah Florendo, Teacher I sa Digos Central Adventist Academy, dako ang papel sa pamilya tungod kay mao kini ang unang sandiganan sa matag usa sa panahon sa kalisdanan ug kalipay.
Gipasiugda nga ang pamilya usa sa pinakadakong gasa sa Ginoo, busa ang gugma, respeto ug pagtinabangay kinahanglan magpatigbabaw aron mas lig-on ang relasyon sulod sa panimalay.
Gilauman nga pinaagi sa maong selebrasyon, mas mapalig-on ang relasyon sa matag pamilya ug mapahinumdoman ang tanan nga ang oras, gugma ug presensya sa matag miyembro maoy pundasyon sa lig-on nga panimalay.
