Daling na rescue sa mga personahe sa City Disaster Risk Reduction and Management Office kun CDRRMO ang hapit malunod nga sakyanan human kini maigo sa kalit nga kusog nga balod sa kadagatan nga bahin sa Tagawisan, Barangay Badas, Mati City, Davao Oriental pasado alas 2:50 sa hapon, karung adlawa, Setyembre 26, 2026.
Sumala sa report, pito ka tawo ang sakay sa maong bangka lakip ang operator niini nga si Joey Guiñarez, 39 anyos nga residente sa Lower Tagawisan.
Nasayran nga tungod sa kakusog sa balod, misulod ang tubig sa sakyanan hinungdan nga hapit kining malunod.
Sa pagkakaron anaa na sa luwas nga kahimtang ang tanang sakay niini, diin natabangan pinaagi sa mga personahe sa CDRRMO, Philippine Red Cross, Philippine Coast Guard ug PNP Maritime Group.
