Dakpan sa mga otoridad ang upat ka mga indibidwal atol sa gilusad nga buy bust operation pasado ala 1:45 kaganihang kadlawon, Setyembre 26, 2026 didto sa Purok Charity Blue, Sitio Urban Poor, Barangay Dahican, Mati City, Davao Oriental.
Ang operasyon gihimo sa mga personahe sa Philippine Drug Enforcement Agency Regional Office 11 (PDEA RO11) kauban ang Davao Oriental Police Provincial Office ug Mati City Police Station nga nagresulta sa pagkasikop nila alyas “NIK”, 37 anyos, Alyas “JUNREY”, Alyas “JAY,“ ug Alyas “PHILIP”.
Narekober gikan sa mga suspetsado ang tulo ka sachet sa gidudahang shabu nga mitimbang sa 10 gramos ug adunay Standard Drug Price nga ₱68,000.00. Nakumpiska usab ang duha ka improvised glass tooters nga adunay shabu residue, ug assorted drug paraphernalia, lakip ang marked buy-bust money.
Sa pagkakaron ang mga dinakpan nakakustodiya na ug mag-atubang sa kasong paglapas sa Republic Act 9165 kun Comprehensive Dangerous Drugs Act of 2002.
Photo courtesy: PDEA
