Nadakpan ang usa ka lalaki nga nag-negosyo sa drogang shabu sa hiniusang pwersa sa kapulisan sa pagpanguna sa Tubod Municipal Police Station atol sa buy-bust operation niadtong nakalabay nga adlaw sa Tubod, Lanao del Norte.
Giila ang suspek nga si alias “Dolpi,” 38 anyos, minyo, ug residente sa nasangpit nga barangay, ug nalista isip Street-Level Individual (SLI). Subay sa report, ang suspek nakuhaan sa og Tulo (3) ka pakete sa gituohang shabu nga nitimbang sa 0.82 gramo nga nagkantidad og 5,576.
Lakip nga nasakmit ang usa ka 500 peso bill nga gigamit isip buy-bust money ug uban pang mga drug paraphernalia.
Sa pagkakaron, ang nakumpiskang mga droga gidala sa Lanao del Norte Provincial Forensic Unit for qualitative and quantitative examinations, samtang ang suspek gikustudiya sa Tubod MPS alang sa tukmang dokumentasyon ug disposasyon.
