Nadakpan ang usa ka babaye nga tigpayuhot sa ginadiling druga atol sa gipahigayong Joint-buy bust operation sa mga personahe sa Iligan City Police Station 3(ICPS3), kauban ang Iligan City Mobile Force Company ( ICMFC) ug ang 1005th Regional Mobile Force Batallion ( RMFB) sa may alas 4:30 sa hapon, kagahapong adlawa Setyembre 26, 2026 sa Purok 5D, Vista Village, Sitio Paitan, Barangay Dalipuga, Iligan City.
Giila ang suspek nga 52 anyos ug residente sa nahisgutang lugar. Subay sa report, napalitan ang suspek sa usa ka poseur buyer ug usa(1) ka gamay nga pakete sa gituohang shabu, samtang sa dugang pagsusi narekober ang lain pang duha(2) ka pakete sa gituohang shabu.
Atol sa operasyon, mokabat sa 0.45 grams ang gibug-aton sa nakumpiskang druga nga adunay gibana-banang standard drug price nga 3,060 ka pesos. nakumpiska usab gikan sa nahimutangan sa suspek ang usa(1) ka umbrilla pouch ug mga kwarta isip buy bust money.
Sa pagkakaron ang nadakpang suspek kasamtangang gikustudiya sa Iligan City Police Station 3 custodial Facility alang sa tukmang lakang.
