Nagpahimangno ang Traffic Enforcement Unit sa tanang motorista sa Iligan City, nga dili igo nga kahibalo lang ta mopadagan og sakyanan—kinahanglan kabalo usab mo-anticipate sa posibleng peligro sa dalan.
Matud ni PLTCOL Oswaldo R. Tongson ang Chief sa TEU nga ang defensive driving nagpasabot nga kanunay andam sa wala damhang lihok sa ubang motorista, pedestrian, siklista, riders, ug paglikay sa kusog nga pagpadagan, paggamit sa cellphone samtang nagmaneho, ug pagdrive kung hubog o gikapoy.
Dugang bpa niya, nga kanunay nga mag-obserbar sa dalan, respetuhon ang traffic signs ug signal lights, pagpabilin og hustong distansya sa sakyanan sa unahan, ug hinayi ang dagan kung gikinahanglan.
Gipasabot niini, nga ang defensive driving dili lang para malikayan ang traffic violation kun dili lakip usab kini sa pag likay sa aksidente ug mapanalipdan ang kinabuhi.
