Nasikop sa mga otoridad ang usa ka babaye nga gikonsiderang Other Wanted Person atol sa gipatuman nga operasyon didto sa Purok Madre De Cacao, Brgy. Poblacion, Cateel, Davao Oriental pasado alas 5:25 sa hapon, niadtong Setyembre 25, 2026.
Ang operasyon gihimo sa mga personahe sa Cateel Municipal Police Station, kauban sa mga sakop sa PIU DOPPO ug 1103RD Maneuver Company ug lain pang mga operatiba nga miresulta sa pagkasikop ni alyas “Bangs”, 29 anyos ug residente sa maong lugar.
Ang suspek nadakpan pinaagi sa pagpatuman sa warrant of arrest alang sa kasong paglapas RA 9287 kun illegal numbers games nga giisyu sa korte ug adunay pyansang girekomendar nga mukabat sa Php60,000.00. Sa panahon sa pagdakop sa akusado, gipahibalo siya sa husto sa kapulisan sa iyang mga katungod pinaagi sa pinulongan nga iyang nahibal an ug nasabtan.
Sa kasamtangan ang suspetsado anaa sa kustodiya sa Cateel Municipal Police Station alang sa hustong disposisyon.
Photo courtesy:Cateel MPS
