Giimbestigahan sa Matalam Municipal Police Station o Matalam MPS human makadawat og report kabahin sa usa ka online threat nga nagtumong sa mga estudyante ug school community sa New Alimodian High School, Barangay New Alimodian, Matalam, Cotabato niadtong Septiyembre 25, 2026.
Niresponde ang mga kapulisan sa eskwelahan alas-9 sa buntag aron magpahigayon og school visitation ug security assessment, ubos sa pagpanguna ni PLTCOL Marvin C. Hugos, Chief of Police.
Nakig-diyalogo usab ang kapulisan kang Mr. Rolando Calibara, OIC sa eskwelahan, ug Hon. Alvin Capilitan, Punong Barangay. Gipasiugda atol sa dialogue ang mas hugot nga pagbantay ug pagpalig-on sa security measures sa eskwelahan.
Gihangyo usab ang tanan nga i-report dayon sa kapulisan ang bisan unsang kahina-hinalang lihok o bag-ong hulga, samtang magpadayon ang koordinasyon sa Matalam MPS aron mapanalipdan ang mga estudyante, magtutudlo ug school personnel.
Photo courtesy: MATALAM PNP
