Luwas nga natugyan ngadto sa PENRO Zamboanga del Sur ang usa ka reticulated python o sawa, nga adunay gitas-on nga kapin sa 2 metros sa syudad sa Pagadian bag-ohay pa lamang.
Ang maong reticulated python nadakpan sa usa ka pinuy-anan sa Barangay Balangasan, Pagadian City, ug giluwas sa mga personahe sa Bureau of Fire Protection, ubos sa pagpanguna ni FO3 Reynel S. Mahinay.
Base sa assessment, anaa sa maayong kondisyon ang maong wildlife ug temporaryo kining gibutang sa luwas nga holding facility sa wala pa gidala sa Regional Wildlife Rescue Center sa Barangay Baclay, Tukuran, alang sa hustong pag-atiman.
Gipahinumdoman sa DENR ang publiko nga dili pasakitan o hilabtan ang mga wildlife kung dili kinahanglan, ug ireport dayon sa mga awtoridad kung adunay makit-ang sama niini.
Photo courtesy:PENRO ZDS
