Nakumpiska sa mga kapulisan ang 1 ka gramo sa gituohang shabu nga gibana banang adunay standard drug price nga Php 6,800 atol sa gilusad nga buy bust operation didto sa Caraga, Davao Oriental pasado alas 3:30 sa hapon niadtong Setyembre 22, 2026.
Ang operasyon gihimo sa mga personahe sa Caraga Municipal Police Station, kauban ang PIU DOPPO, 1st DOPMFC ug lain pang law enforcement units nga miresulta sa pagkasikop ni alyas “Renren” ug narekober gikan kaniya ang tulo ka pakete sa gituohang shabu ug usa ka Php1,000 nga buy-bust money nga adunay serial number EK932555.
Human niini, gimarkahan ug giimbentaryo dayon sa lugar sa nahitaboan ang mga nasakmit nga ebidensya uban sa mga testigo ug sa suspek mismo. Samtang gipahibalo usab siya sa iyang mga katungod ubos sa konstitusyon gamit ang pinulongan nga iyang nasabtan ug nahibal-an.
Sa kasamtangan ang dinakpan anaa na sa kustodiya sa Caraga Municipal Police Station alang sa hustong disposisyon ug mag atubang sa kasong paglapas sa RA 9165 kun Comprehensive Dangerous Drugs Act of 2002.
Photo courtesy: Caraga MPS
