Gipresenta sa Bureau of Customs o BOC ang mga nasakmit nga smuggled cigarettes nga mokantidad og kapin ₱3.287 bilyon ngadto kang Police Brigadier General Rolindo M. Suguilon, Regional Director sa Police Regional Office 13.
Gilatag ang mga ebedensya atubangan sa mga opisyal nga si Emmanuel Luis D. Licup (Ret.), Deputy Commissioner of the BOC; Director Thomas M. Narcise, Customs Intelligence and Investigation Service (CIIS); Atty. Vicente Andrew Espina, District Collector, Port of Surigao; Redford L. Surposa, CIIS Field Station Chief – Cagayan de Oro and Surigao; Police Colonel April Mark C. Young, Chief, Regional Community Affairs Development Division, PRO13; Police Colonel Ruel M. Cagape, Provincial Director, Agusan del Norte Police Provincial Office (ADNPPO); and Police Lieutenant Colonel Emerson L. Alipit, Commander, 1st Agusan del Norte (ADN) Provincial Mobile Force Company (PMFC) ug ubang law enforcement agencies.
Atol sa official visit ug viewing sa Gothong Private Wharf sa Barangay Talisay, Nasipit, Agusan del Norte. Kahibaloan nga nasakmit ang 54 ka 40-foot container vans nga adunay kargang nagkalain-laing brand sa mga sigarilyo nga gituohang gi-gipalusot ngadto sa nasod.
Gisusi ug gituki ang mga lakang aron mapugngan ug mapahugtan ang seguridad aron dili na subling makalusot ang mga kontrabando pinaagi sa koordinasyon sa nagkalain-laing ahensya sa gobyerno batok sa smuggling ug iligal nga pagpasulod sa mga produkto sa nasod.
