Magpahigayon ang Office of the Municipal Agriculturist sa M’lang og pre-validation ug verification sa mga dokumento ug requirements sa mga mag-uuma ug mangingisda nga benepisyaryo sa Presidential Assistance for Farmers and Fisherfolk Program (PAFFP).
Tumong sa maong kalihukan nga masiguro nga ang mga benepisyaryo kwalipikado, kompleto ang gikinahanglang mga dokumento ug tinuod nga angayan makadawat sa pinansyal nga tabang gikan sa programa.
Gilauman usab nga makatabang ang pre-validation aron mas mapaspas ug mas hapsay ang proseso sa aktuwal nga onsite claiming sa financial assistance.
Ang PAFFP usa ka programa sa gobyerno nga nagtumong sa paghatag og direktang pinansyal nga tabang ug suporta sa mga mag-uuma ug mangingisda nga naapektuhan sa El Niño, pagsaka sa presyo sa mga palaliton, ug uban pang hagit nga giatubang sa sektor sa agrikultura.
Gipahinumdoman ang mga mag-uuma ug mangingisda nga susihon ang gilakip nga mga hulagway alang sa kompletong listahan sa mga requirements ug iskedyul sa pre-validation.
Photo courtesy: Office of the Municipal Agriculturist of M’lang
