Arestado ang duha ka ginasuspetsahan nga drug personality matapos ginpatigayon ang buy-bust operation sa Barangay Kalawag III, Isulan, Sultan Kudarat sang gab-i sang Setyembre 21, 2026.
Suno sa Police Regional Office 12, ginpatigayon ang operasyon sang joint elements sang Police Intelligence Unit, Sultan Kudarat Provincial Drug Enforcement Unit, Isulan Municipal Police Station, kag Philippine Drug Enforcement Agency 12 alas 10:55 sang gab-i.
Naaresto ang duha ka lalaki nga ginakilala sa mga alyas nga “Mark,” 24 anyos, kag “Hyro,” 39 anyos, nga ginlaragway sang mga awtoridad bilang high-value individual.
Nakuha sa operasyon ang ginabulubanta nga 106.57 gramos sang ginapatihan nga shabu nga nagabalor sang P724, 676,000.00, suno sa Dangerous Drugs Board value.
Nakumpiskar man ang marked money, motorsiklo, cellphone, kag iban pa nga gamit. Ang duha ka suspek yara na sa kustodiya sang kapulisan kag paga-tubangon ang kaso may kaangtanan sa pagbaligya kag paghupot sang illegal nga droga suno sa Republic Act 9165.
Photo courtesy: PNP Police Regional Office 12
