Narekober sang kapulisan ang yara sa 70 board feet sang ilegal nga ginlagari nga Lawaan lumber sa Senator Ninoy Aquino, Sultan Kudarat sang Setyembre 22, 2026.
Ginrespondehan sang mga personnel sang Senator Ninoy Aquino Municipal Police Station kag Municipal Environment and Natural Resources Office ukon MENRO ang report sang ginbilin nga kahoy sa Sitio Bleti, Barangay Tinalon, pasado 12:00 sang udto.
Suno sa inisyal nga imbestigasyon, ginbilin sang wala makilala nga persona ang lumber sa higad sang dalan. Gibanabana nga nagabalor sang P2,450.00 ang nakumpiskar nga lumber apang wala sang nadakpan sa nasambit nga operasyon.
Ang mga kahoy ginturn-over sa MENRO para sa pag-atipan kag nagakaigo nga disposisyon, samtang ginpahayag sang PRO 12 ang pagpadayon sang kampanya batok sa ilegal nga pag-utod kag pagkuha sang mga kahoy.
