Dakpan sa mga otoridad ang usa ka lalaki atol sa gikasang buy bust operation didto sa Tagawisan, Brgy. Central, Mati City, Davao Oriental pasado alas 10:00 kagabii, Setyembre 17, 2026.
Gihimo ang operasyon sa pagpanguna sa mga personahe sa Davao Oriental Maritime Police Station, kauban ang Mati City Police Station nga miresulta sa pagkasikop ni alyas Whirdson, 43 anyos, minyo, driver ug residente sa 17-4 Magsaysay sa maong dakbayan.
Atol sa operasyon nakuha gikan sa suspetsado ang 320 ka reams sa smuggled nga sigarilyo nga gibana banaang adunay kantidad nha P272,000.00, usa ka P100 nga marked money ug laing 10 ka piraso sa P100.
Sa pagkakaron ang mga nakumpiskang mga ebidensya uban sa suspek anaa na sa kustodiya sa Davao Oriental Maritime Police Station alang sa hustong dokumentasyon ug tukmang disposisyon.
Photo Courtesy: Davao Oriental MARPSTA
