Patay ang usa ka intelligence operative nga miyembro sa 23rd Infantry Battalion sa Philippine Army human malambigit sa usa ka disgrasya sa Purok 2, Barangay Malpoc, Buenavista, Agusan del Norte, alas 10:30 sa gabii. Giila ang biktima nga si PFC Bokloy M. Mankugihan, 31 anyos nga residente sa Purok 5, Barangay Simbalan, Buenavista, AdN.
Base sa report sa PNP, nagmaneho ang biktima sa iyang Honda CRF 150 nga motorsiklo gikan sa Command Post sa Bravo Company, 23rd Infantry Battalion sa Barangay Lawan-Lawan, Las Nieves, ug paghidangat nini sa lugar sa aksidente, mibangga ang motorsiklo niini sa ongoing road construction, hinungdan nga nalabay ug nabunal ang biktima, nga nag resulta sa grabeng kadaut sa iyang ulo.
Dali pa kining gidala sa Agusan del Norte Provincial Hospital, apan gideklarar dead on arrival sa attending physician.
Photo Courtesy:google
